News

Sinalo ni TE Kevin Boss (87) ang 22-yarda na pasa ni QB Carson Palmer para sa TD. AP Photo.

Nanalo sa opening coin toss ang Raiders at ipinagpaliban nila ang pagpili ng pagtanggap ng bola sa second half. Si K Sebastian Janikowski ang sumipa ng kickoff at ito ay bumagsak sa end zone para sa touchback. Sumugod ang Chargers pero natigil sila nang maagaw ni S Matt Giordano ang mahabang pasa ni Rivers para kay WR Vincent Jackson sa Raiders 5.

Hinatak ni QB Carson Palmer ang Raiders sa distansiyang 95-yarda sa loob ng 12-play at tinapos niya ang pagsugod ng isang touchdown nang pasahan niya ng 3-yarda si WR Darrius Heyward-Bey .  Pumasok din ang extra point ni Janikowski at nag-lead ang Raiders ng 7-0 sa 7:20 ng 1^st kuwarter.

Ibinalik ni Goodman ang kasunod na kickoff sa San Diego 19. Bumawi din si Rivers ng sariling 81 yarda na drive, at umiskor ng TD sa 38-yarda na pasa kay TE Antonio Gates. Nagtabla ang iskor sa 7-7 sa 1:02 ng 1^st kuwarter.

Sinalo ni CB Bryan McCann ang kasunod na kickoff at dinala niya ng 20 yarda hanggang sa Oakland 19. Umabot sa kanilang 42 ang kanilang pagsugod subalit napuwersang mag-punt. Ang punt ni P Shane Lechler ay umabot sa endzone para sa touchback.

Lumamang ang San Diego ng 14-7 nang tawirin ni RB Mike Tolbert ang endline para sa TD, sa dulo ng pagsugod ng Chargers ng 80 yarda sa loob ng 6 play sa 10:26 ng 2^nd kuwarter.

Si McCann ang sumalo sa kickoff sa end zone para sa touchback. Sumugod ang Raiders pero umani lang sila ng field goal mula sa 52 yarda. Nabawasan ang lamang ng Chargers sa 14-10 sa 6:19 ng 2^nd kuwarter.

Sinalo ni Goodman ang kickoff para sa Chargers at nakpuslit siya sa coverage ng Raiders at itinawid niya ang bola ng 105 yarda para sa touchdown. Kasama ang extra point ay lumaki ang lamang ng San Diego sa 21-10 at meron pang 6:06 sa 2^nd kuwarter.

Si SS Tyvon Branch ang sumalo sa kasunod na kickoff na na-touchback. Sumugod ang  Raiders hanggang sa Chargers 26 pero napuersa silang sumipa ng field goal sa layo ng 43-yarda. Pumasok ang field goal at ang iskor ay 21-13 sa 2:19 ng 2^nd kuwarter.

Si Goodman muli ang sumalo sa kickoff at dinala niya sa San Diego 20. Sumipa ng field goal sa distansiyang 51 yarda si K Nick Novak at ang Chargers ay lumamang sa 24-13 sa huling 46 segundo ng 2^nd kuwarter.

Si McCann ang sumalo ng kickoff para sa Raiders at umabot ang drive nila sa San Diego 32 pero hindi na sila naka-iskor dahil nagwakas ang first half.

Si Branch ang nagbalik sa opening kickoff ng second half at dahil sa holding penalty ay umatras ang kanilang panimulang yarda sa Raiders 6. Sumalo ng isang pasang umabot ng 78 yarda si WR Denarius Moore at ito ang nag-set up sa field goal ni Janikowski sa distansiyang 27-yarda at nabawasan sa 24-16 ang lamang ng Chargers sa 13:18 ng 3^rd kuwarter.

Ibinalik ni Goodman ang kickoff ng 38 yarda at ang Chargers ay umiskor ng touchdown sa 13 yarda na pasa ni Rivers kay WR Vincent Jackson at ang lamang nila ay 31-16 sa 7:33 ng 3^rd kuwarter.

Na-touchback muli ang kickoff at sa kanilang 20 nagsimula ang Raiders. Nakapasok muli ang atake nila sa loob ng teritoryo ng Chargers at doon sumipa ng field goal sa layong 32 yarda si Janikowski at ang iskor ay 31-19 sa 1:18 ng 3^rd kuwarter.

Dinala ni Goodman ang kickoff sa San Diego 29. Umabot sila sa loob ng teritoryo ng Raiders at sumipa si Novak ng 45-yarda na FG pero nagmintis siya. Nabalik ang bola sa Raiders sa kanilang 35 sa 11:05 ng 4^th.

Gumana ang atake ng Raiders at kumunekta si Palmer kay TE Kevin Boss para sa 22-yarda na TD at lumapit sila sa Chargers ng 31-26 at meron pang 9:37 sa 4^th kuwarter.

Subalit sumagot agad ang San Diego nang pasahan ni Rivers si WR Malcolm Floyd sa distansiyang 43 yarda para sa TD. Naghahabol na sa iskor na 38-26 ang Raiders sa huling 6:48 ng laro.

Ibinalik ni McCann ang kickoff sa Raiders 24. Umabot ang Raiders sa loob ng teritoryo ng Chargers subalit naagaw nila ang tangkang pasa ni Palmer kay WR Jacoby Ford at hinawakan ng Chargers ang bola at inubos nila ang nalabing oras ng laro para sa tagumpay.

Sa pagkatalong ito ay nagtapos ang Raiders sa 2011 Regular Season sa record na 8-8 at nabigo silang umabot sa postseason.